5 маялда ДРялъул бетӏер Сергей Меликовас шапакъатал кьуна Украинаялда тӏобитӏулеб хасаб рагъулаб операциялда гӏахьаллъарал дагъистаниязе.
«За заслуги перед Республикой Дагестан» абураб орденалъе мустахӏикълъана кӏудияв сержант Марат Халикъовги сержант Ибрагьимхалил Хӏажиевги (гьезул гьунаразул хӏакъалъулъ хъван букӏана «Хӏакъикъаталъул» цересел номеразда).
Гьединго ДРялъул Бетӏерасул цӏар тӏад хъварал хасал сагӏтал сайгъат гьаруна Донбассалдаса тӏадруссарал журналистазеги – ТАССалъул хасав корреспондент Гянджеви Хӏажибалаевасе, НТВялъул оператор Рабадан Бахӏамадовасе, журналист Исрафил Исрафиловасе, информациялъулгун культурияб координациялъул централъул директор Мухтар Амировасе, РГВКялъул журналистал Умай Ибрагьимовалъе, Сагӏид Кутиевасе, «Мирмолалъул» фотокорреспондент Мурад Мухӏамадовасе.