17 марталда РФялъул Федералияб собраниялъул Федерациялъул советалъул вице-спикер Иляс Гӏумаханов нахъе ана гьеб хъулухъалдаса.
Гьесул бакӏалде тӏамуна Халкъазда гьоркьосел ишазул рахъалъ комитеталъул нухмалъулев Константин Косачев.
Гӏумахановасе кьуна цӏияб хъулухъ — 2022 соналъ диназда гьоркьосеб диалогалъул мурадалда Тӏолгодунялъулаб конференция ахӏиялъе гьабулеб хӏадурлъиялъул рахъалъ Федерациялъул советалъул хасав вакиллъун тана гьев.
И. Гӏумахановасда цӏияб хъулухъги баркулаго, гьанжелъизегӏан гьабураб хӏалтӏуе баркалаги кьун, спикер Валентина Матвиенкоца абуна заманаялъ нахъе виччалев вугин, амма рикӏкӏалъизе теларин.
Федерациялъул советалда нилъер республикаялъул вакиллъун Иляс Гӏумаханов вукӏана 2001 соналдаса нахъе. Вице-спикерасул хъулухъалде гьев тӏамуна 2010 соналъул декабралда.
З. ХӏАЖИЕВА