Гумбет районалъул росабалъе газ бачиналъул тадбирал гьарулел руго «Газпром газораспределение Дагестан» идараялъул махщелчагӏаз.
Проект гӏумруялде бахъинабуна РФялъул регионазде газ бачиналъул программаялда рекъон. Гьелъие гӏарац кьуна «Газпром» ПАОялъ. Проект хӏадурана ва рогӏрал рачиналъул хӏалтӏи гӏуцӏана «Газпром межрегионгаз» ОООялъ. Техникияв заказчиклъун ккола «Газпром инвест» ОООялъул вакиллъун бугеб «Газпром газификация» абураб филиал.
«Газ биччазе буго гьеб къабул гьабизе гӏадамазул хӏадурлъи гьабун бахъараб мехалда», -ян бицана «Газпром газораспределение Дагестан» ОООялъул исполнительный директор Ризван Гъазимухӏамадовас.