Тӏасияб соналдаса байбихьун республикаялъул ВУЗазда цӏалулел студентазе стипендия цӏикӏкӏинабизе буго. Гьединаб указ хъвана Сергей Меликовас гьал къоязда.
1000 гъурущ стипендия щолеб букӏарал студентазе 3000 гъурущ, аспирантазе 1500 гъурщил бакӏалда 5000 гъурущ кьезехъин буго тӏасияб соналъ.
Гьеб гуребги, Москва ва Санкт-Петербург шагьаразда ругел нилъер ракьцоял-студентазе цӏикӏкӏинабулеб буго стипендия. Мисалалъе, 2000 гъурущ щолеб букӏарал студентазе кьезе буго 5000 гъурущ.