14 марталда ДРялъул хӏукуматалъул премьер-министр Гӏабдулмуслим Гӏабдулмуслимовас АЗСазул бетӏергьабазда лъазабуна цӏатариялъухъ босулеб багьа учуз гьабеян. Щайгурелъул тӏолабго улкаялдаго гӏодобе кколеб букӏун гьелъул багьа.
Гьединаб лъазаби гьес гьабуна экономика цебетӏеялъул рахъалъ ре спубликаялда гӏуцӏараб оперативияб штабалда. Цинги энергетикаялъулгун тарифазул министрасе тӏадкъай кьуна республикаялда киса-кирго цӏатариялъул багьаби кинал ругелали хал гьабеян.
Гьанже Россиялъе санкциял лъазарун хадуб, цогидаб къайиго гӏадин, цӏатариги къватӏибе бичизе бажаруларо, гьединлъидал гьеб учузлъичӏого рес гьечӏо.
Цӏиял харбал хӏадур гьаруна З. Хӏажиевалъ.