Гьал къоязда информациялъул ва печаталъул рахъалъ цӏигӏуцӏараб ДРялъул Агентствоялъул нухмалъулевлъун тӏамуна Гӏабдуразакъ Жамалудинов. Гьелде щвезегӏан гьев кколаан гьебго идараялъул нухмалъулесул (информациялъул ва печаталъул министрасул) гӏакълучи.
Министерствоялде вачӏинегӏан Жамалудинов хӏалтӏана Транспорталъулгун энергетикаялъул ва бухьеналъул министерствоялда, гӏиси-бикъинаб ва гьоркьохъеб даран-базаралъул рахъалъ гӏуцӏараб комитеталда. Гьединго нухмалъи гьабуна юридикияб централъе.
«Хӏакъикъат» газеталъул коллективалъ ракӏ-ракӏалъ баркула Гӏабдуразакъ Жамалудиновасда гьеб тӏадегӏанаб хъулухъ. Гьарула хӏалтӏулъ икъбал ва цебетӏей.