10 маялда ДРялъул нухмалъулев Сергей Меликов дандчӏвана Украинаялда тӏобитӏулеб хасаб операциялда чӏварал рагъулал хъулухъчагӏазул хъизан-лъималгун.
Гьезда зигараги бан, сихӏкъотӏиялъул лахӏзаталдаса хадуб Меликовас абуна гьел гӏолохъабаз такрар гьарунин Кӏудияб Ватӏанияб рагъда жидер умумузулго ишал.
Гьединго бицана гьезул хъизаназе киналго рахъалъан кумек гьабизе хӏукуматалъул идараби хӏадур рукӏине кколиланги. Федералиябгун республикаялъул даражаялда гьезда кверчӏвазе бугеб куцалъул бицана ДРялъул рагъулав комиссар Даитбег Мустӏафаевасги захӏматалъулгун социалияб цебетӏеялъул министр Гӏабдурахӏман Махӏмудовасги.