Росабалъ гӏумру гьабулел гӏадамазе минаби разе ва росизе пачалихъалъ гӏарац кьезе буго «Комплексное развитие сельских территорий» абураб программаялда рекъон.
Гьединаб хӏукму гьабуна ДРялъул росдал магӏишаталъулгун продовольствиялъул министерствоялъ гьал къоязда.
Гьединал мурадазе Дагъистаналда квадратияб цо метраялъухъ кьолеб социалияб гӏарцул къадар кколеб буго 9 азаргогун 120 гъурущ. Гьелда тӏадеги росабалъ ругел минабазухъ гьединаб гӏарац кьолелъул квадратияб цо метраялъул багьа гьабула 30400 гъурущ абун. Гьедин, масала, цо чиясе щвезехъин буго лъабнусазаридасаниги цӏикӏкӏун гъурущ, кӏиго чиясе – 383040 гъурущ.
Палхӏасил, гьединаб гӏарац щвеялде хӏажалъи бугев чияс гӏарза кьезе ккола жинца гӏумру гьабулеб районалъул (росдал) администрациялде.