Махӏачхъалаялъул дармил порталдаса пайда босизехъин буго Белоруссиялда хӏадур гьабураб росдал магӏишаталъул техника къватӏисел пачалихъазде, югалъулбгун бакъбаккулаб Азиялде баччизе. Гьеб ккола Белоруссиялъул автомобилазул ва тракторазул заводаз гьабураб хӏукму.
Гьал къоязда тӏобитӏараб хӏукуматалъул данделъиялда гьединаб баян кьуна ДРялъул транспорталъул министр Жамбулат Салавовас.
Гьесул рагӏабазда рекъон, республикаялъул ресал цӏикӏкӏунел руго батӏи-батӏиял пачалихъазде битӏулеб къайи-цӏа бугониги ялъуни жалго гӏадамал ратаниги, гьел щвезарун, нилъерго транспорталъул бажари цогидаздаги бихьизабизе.
Гьединго министрас бицана ахираб заманалда къватӏисел пачалихъаз Россиялъе санкциял лъуниги, республикаялъул транспорталъул магӏишаталда гьел хъатӏичӏилан.