Махӏачхъалаялъул Буйнакскиясул къотӏноб бугеб «Дагъистан» гостиница жидерго къайимлъиялде гъоркье тӏадбуссинабизе кӏвана гьал къоязда Махӏачхъалаялъул мэриялда.
Гӏемерал соназ гостиницаялъул минаялда жаниб букӏана Ростовалъул пачалихъияб росдал магӏишаталъул университеталъул филиал. Цо кидаялиго гьеб университеталъ ижараялъе босун букӏараб гостиницаялъул мина-карт нахъбуссинабизе кӏолеб букӏинчӏо мэриялда. Церегӏан соназ, судалде гӏарза битӏаниги, гьел разияб хӏукму лъугьинчӏо гьелъул. Гьаб нухалъ цӏияб судалъул хӏукмуялдаса хадуб кӏвана гьезда гостиница жидехъего тӏад буссинабизе.
Советияб заманалда, Махӏачхъалаялда бищун рикӏкӏунезул цояб букӏана «Дагъистан» гостиница. Гьанже цӏигьабун къачӏазеги къачӏан, цӏияб рухӏги речӏчӏизабун, хӏалтӏизе биччазе ракӏалда буго мэриялда гьеб.