Республикаялда тӏадран унел руго Хӏамзатил Расул гьавуралдаса 99 сон тӏубаялъул хӏурматалда тадбирал. Узухъда, аслияб тадбир букӏина тӏадеялъул, шагӏирасул 100-сонилаб юбилей кӏодо гьабулелъул. Гьелде хӏадурлъи гьабулеб буго тӏубараб улкаялдаго.
Гьабсагӏаталда хӏадур гьабун буго кӏудияв поэтас 100 сон баялъул хӏурматалда хӏадур гьабураб официалияб гӏаламат (символика). Нужедаги бихьун букӏине гьелъул сурат кьолеб буго жакъасеб номералда.
Гьединго Хӏамзатил Расулил юбилеялъул хӏурматалда суратал чӏвалел руго Махӏачхъалаялъул къватӏаздаги. «Поэзиялъул театралдаги» кӏудияб фотовыставка хӏадур гьабун буго гьал къоязда.