Абизегӏан рагӏи – дур лагъ, абун хадуб – мун гьелъул лагъ.
***
Багъарараб хӏатӏида хӏарщ рекӏунеб
***
Ах сайигъат гьабурав инсуе васас цӏолбол кӏолкӏона кьечӏебила.
***
Билълъун унаго лълъар кквечӏони, лъутун унаго рачӏ кквезе щоларо.
***
Гӏабдаласулгун гьудуллъиги гьабуге, гьойдулгун махсароги гьабуге.
***
Дун хвелилан давлаялда хадув чи унарев, дун тӏадго кквелилан цӏогьор къватӏиве вахъунарев.
***
Кӏиябго бералда чияр лъимал рихьараб мехалъ, цояб бералданиги нилъерго лъималги рихьизе ккола.
***
Лъади чиярай лъикӏайлъун йихьулейила, чу нилъерабго цӏакъаблъун бихьулебила.
***
Росдал хабар гӏабдаласда гьикъе, рукъалъул хабар лъималазда гьикъе.
***
Хӏамие жиндирго гьагӏи берцинаб, хӏелкие жиндирго гӏегӏеди берцинаб.
***
Хӏарщуда хӏетӏе хъвазе теларилан лъугьарав магӏарулас хӏарщулъ дегӏен чӏезе ккарабила.