Дидоязул Джигит дунялалдаго бищун цӏодорал чагӏазул форумалде ахӏидал хъвараб эбелаб сарин.
Ина вуго лачен, руччабиги тун,
Сибиралде витӏун
тӏадчагӏаз жакъа,
Тӏолгодунялалъул гӏакъилаб
форум
Гьав къайис гьечӏого
данде кколарин.
Дагъистан урхъараб
хъурайсинги лъун,
Хъирим гӏадин вуго
ВИПзалалда чӏун,
Зодир цӏваби гӏадал
цӏвакарал ясаз
Цӏумур кьабизегӏан посадкаялъе.
Циндаго яккана микки гӏадай жо,
Джигит капитанас ахӏулев вугин,
Общий рейсалъ гурев
мун Сибиралде
Тӏадчагӏаз чартералъ
витӏулев вугин.
Чалухаб рилълъингун,
калсоналберцин,
«Комсомолкаялда» хадув
къокъана…
Къуватаб гьаракьгун,
цо пассажиргун,
Пилот Севералде вуго воржунев.
Эрмени гӏодоса, Дидой зодоса,
Гьабни битӏун гьечӏо,
Бетӏергьан Аллагь
Квачан холей Ара,
вежулев Джигит,
Киб бугеб ритӏухълъи
дуниялалда?
Дагь-дагьккун ссун ана
моторазул сас,
Шеф-повар рещтӏана
Сибир ракьалда:
Гьороца хъамулеб Симонянил рас,
Хъахӏал калсоназда
квашулеб цӏорой.
Цӏогьадго гьимана гьалъие Дидо,
Данде Эрмениги угьдана балъго,
Буго цо лъалареб берцинлъи гьаниб-
Бицина тӏолабго тӏад вуссингун гьас!