Кӏарчанаб, чорокаб, чияхъа щвараб,
Щайтӏан-интернеталъ унтизабураб ,
Дирго миллаталде, магӏуги чвахун,
Чанго куплет буго копойго хъвараб
Мага Гуглиясул
Горбода хурхун,
Интернет матушкӏа
Муи йихьулищ,
Майсаратил селфи
Сайталдаги лъун,
Сеть Хӏасаниласул
Гьими бихьулищ.
Браузер Хатица
Хадуйги лъугьун,
Халид Фейсбукалде
Ахӏулев вуго,
Ахӏмад Игнорица
Иргадал, тӏадчӏун,
Тӏолго ясазухъе
Отказ битӏулеб.
Ольга Дабуляде
Даитбеговас
Дуниял урхъараб
Хъван буго назму.
Хъайтмаз, гӏарацги кьун,
Тӏубараб анкьалъ
Эротканалазда
Квелъ балев вуго.
Лъидаго лъалареб
Адресги ричӏун,
Суткабаз йорчӏуда
Замужни Саля
Саки Къороллъуда
Къваридай пакъир
Цо рекӏелгъеялъе
Музонги биччан
Сираж кьижичӏого,
Долъухъ кьурулев
Дур Контакт сасараб
Сордо кӏваричӏин.
Барият кӏал балей
Болатханида
Бегло валагьанин
Жиндир блогазухъ.
Мазила Заира
Зодой йоржуней,
Заур Питерскияс
Пиривет биччан
Патӏимат Лайкида
Дуниял кӏочон
Дайгьанатил росас
Запросги бачӏун
Ричӏун буго сардаз
Суайбатил Мир
Дабро пожаловать
Жена кьижарал!
Кьварарав гӏиявехь
Мугӏрул тӏогьиса
Валяхъе кӏалъалев
Вайбералдаса
Бадрудин Кӏогьорский,
Кӏодоги йиччан
Кӏарчанай виртуал
Ячине бокьун.