Декабралъул бащдаб моцӏалда жаниб республикаялда ковидалъ унтаразул къадар цӏикӏкӏана микьнусгогӏан чиясдалъун. Гьезул гӏаммаб къадар бахана 1750 чиясде.
Коронавирусалде данде къеркьолеб Россиялъул Оперативияб штабалъ кьурал баяназда рекъон, 30 ноябралда республикаялда ковидалъ унтун вукӏана 937 чи.
Махӏачхъалаялъул тӏоцебесеб больницаялда ругел унтаразул бугеб ахӏвал-хӏалалъул хӏакъалъулъ Фейсбукалда бугеб жиндирго гьумералдасан гьеб больницаялъул бетӏерав тохтур Хӏажимурад Маллаевас 15 декабралда гьадин бицана:
«Гьабсагӏат больницаялда регарал унтаразул 184 чи вуго захӏматаб хӏалалда. Гьезда гьоркьоса 42 чи вуго реанимациялда. Гьезда хадуб хъулухъ гьабулеб буго 245 тохтурас, гьоркьохъеб медицинаялъул 345 хӏалтӏухъанас ва гӏисинаб персоналалъул 207 чияс».