Бабаюрт районалъул ракьалда бугеб Болъихъ районалъул Гӏалахъ росдал хъутаналда гьал къоязда рагьана жакъасел тӏалабазда данде кколеб кӏудияб школа.
1964 соналда гьениб рагьун букӏана байбихьул школа. 1977 соналда хӏарщул кирпичалъул бакӏги тӏаде бан, гьелъул лъугьинабуна микьгосонилаб школа.
ДРялъул хӏукуматалъул официалияб сайталда хъвавухъе, тӏадеялдаса тӏаде гӏадамалги гӏемерлъун (800 чи), хъутаналъе кӏудияб школа хӏажалъун буго.
Гьедин 2014 соналда гьениб нусго лъимералъе бакӏ бугеб школа базе кьучӏ лъун букӏана. Гьелъул проекталъул гӏаммаб багьа ккола 86 млн гъурущ.