Кватӏичӏого (54 моцӏида жаниб) Махӏачхъалаялъул аэропорталда аскӏоб базе буго онкодиспансер. Гьелда тӏад харж гьабизе буго 14 млрд гъурущ. Гьелъул цо къадар хӏукуматалъ, цогидаб къадар бизнесчагӏаз кьезе буго.
Онкодиспансер бай тӏаде босулеб буго «МедИнвестГрупп» абураб гӏуцӏиялъ.
Проекталда рекъон, гьениб базе буго поликлиника, стационар, операциязулгун реанимациялъул, радиологиялъул, реабилитациялъул, паллиативнияб кумекалъул отделениял, диагноз лъеялъул лабораториял.
Гьединаб диспансер кутакалда хӏажат буго нилъее. ДРялъул Сахлъи цӏуниялъул министерствоялъул баяназда рекъон, онкологиялъ унтарав 29 азаргоялдасаги цӏикӏкӏун чи вуго республикаялда.