Гьединаб цӏаралда гъоркь Дагъистаналда тӏобитӏизе буго ТОКСалъул 50 сон тӏубаялъул хӏурматалда хӏадурулеб акция. Гьеб байбихьана тӏоцебесеб марталда ва халат бахъине буго 15 апрелалде щвезегӏан.
ДРялъул Лъай кьеялъул ва гӏелмуялъул министерствоялъул тӏадкъаялда рекъон, акция тӏобитӏулеб буго ДРялъул Гӏелмабазул гьитӏинаб академиялъ. Гьелда гӏахьаллъизе бегьула лъай кьеялъул идарабазул цӏалдохъаби, ТОКСалъулгун гӏагараб ракь лъазабиялъул гӏуцӏабазул ва школазул музе- язул хӏаракатчагӏи.
Акциялда гӏахьаллъизе бокьарав цӏалдохъанас хӏадуризе ккола альбом яги суратазул коллаж. Гьелда рукӏине ккола «Дир умумул – Кӏудияб Ватӏанияб рагъул гӏахьалчи» яги «Росабазул, районазул, шагьаразул гӏадамазул захӏматалъулаб бахӏарчилъи» абураб темаялда хъварал очеркалгун интервьюял.
Хӏадурараб альбом битӏизе ккола гьаб адресалда бугеб ТОКСалъул музеялде: Махӏачхъала шагьар, Хважалмахьинская, 43А. Материал къабул гьабизе буго 10 апрелалде щвезегӏан.
Рехсараб акциялъул заманалда муниципалитетазда рукӏине руго субботникалги. Гьезул аслияб му- рад буго памятниказда, ветераназул цӏарал лъурал къватӏазда ва хӏухьбахъиязул ахазда рацӏцӏалъи гьаби, гъутӏби чӏей.
Акциялъул хӏакъалъулъ баянал ратила гьаб сайталде раккани: https://dagman.ru/upload/iblock/5ae/5 aed2b3a149c977139b266a2477d3667. pdf