5 апрелалда республикаялъул спорталъул министрасул заместительлъун тасдикъ гьавуна Будун Будунов. Чанго соналъ гьес нухмалъи гьабуна республикаялъул футболалъул федерациялъе.
Амма гӏемерисезда Будунов ракӏалда вуго машгьурав футболист хӏисабалда. 1995 соналъ гьев вачӏана «Анжи» командаялде ва чанго соналъ вукӏана бищунго церетӏурал футболистазул цоявлъун.
Республикаялъул спорталъул ва физическияб культураялъул министрасул заместительлъун Б. Будунов вукӏана 13 соналъ цевеги. 2016 соналда Будун вукӏана Хасавюрт районалъул бетӏерасул заместительлъун. 2019 соналда гьесда тӏад къана Футболалъул федерациялъе нухмалъи гьабизе.
Гьанже республикаялъул рехсараб министерствоялъул нухмалъуда вуго машгьурав лъабго спортсмен. Сажид Сажидовасул кӏиабилев заместитель ккола 2004 соналъ Олимпиялъул чемпионлъун вахъарав боксер Хӏайдарбег Хӏайдарбегов.