Гьал къоязда 65 сон тӏубана Республикаялъул бетӏарасда цебе бугеб коррупциялде данде къеркьеялъул управлениялъул начальникасул заместитель, халкъалде бищун гӏагарав чиновник, кигӏан тӏадегӏанаб хъулухъалде ваханиги гӏамалхасият хисичӏев, яхӏ-намусалда хӏур хъвазе течӏев, гьитӏиназул адабги кӏудиязул хӏурматги цӏунарав, «Хӏакъикъаталъул» кидагосев гьудул, магӏарул газеталъул коллективалъул божарав гьалмагъ Лъаратӏа районалдаса Гӏалибег Гӏалиевас.
Гьесулги гьесул ишазулги бицинчӏониги лъала щивав чиясда.
Ракӏбацӏцӏадав, ритӏухъав, къварилъи ккаразе кумекалъе вортулев, гӏатӏилъиялда ругезда хьолбохъ ватулев инсан гьев вукӏин дагъистаниязда бихьана ва лъала.
Халатаб гӏумруги, щулияб сахлъиги, хадубккунги халкъа лъе лъикӏлъи гьабизе къуватги гьарулаго, тӏолалго цӏалдолезул цӏаралдасан «Хӏакъикъат» газеталъул хӏалтӏухъабаз ракӏ- ракӏалъ баркула Гӏалибегида балугълъиялде вахин.
Гьарула хӏалтӏулъ икъбал ва талихӏаб гӏумру.