Кӏиго соналъ цебе Астраханалдаса Каспийскиялде гочараб Каспиялъул флотилиялъул хӏал-хӏукму цӏехезе 8 июналда Дагъистаналде вачӏун вукӏана Россиялъул оборонаялъул министр Сергей Шойгу.
Гьев щвана цадахъго 50 гама чӏезе бажарулеб база балеб бакӏалде. Хадуб министрас хал гьабуна рагъулал хъулухъчагӏазе флотилиялда чӏезарурал шартӏазухъ. Гьедин, масала, гьезул хъизамазе ран руго 528 квартира жаниб бугеб кӏудияб комплекс, ясли-ах, тукаби, 1200 лъимералъе бакӏ бугеб школа.
Гьебго къоялъ Сергей Шойгу дандчӏвана ДРялъул нухмалъулев Сергей Меликовгунги. Гьез бица- на Оборонаялъул министерствоялъ мугӏрузул районазда социалияб кӏваралъул 73 школагун ясли-ахал разе рукӏиналъул.
Пачалихъияб кӏваралъул рагъулал заказал кин тӏуралел ругелали хал гьабизе министр щвана «Дагъдизель» заводалдеги.
Зульфия Хӏажиева