ДРялъул Лъай кьеялъул ва гӏелмуялъул министерствоялда тӏобитӏулеб буго бищун лъикӏал учительзабазул Тӏолгороссиялъул къецалъул регионалияб бутӏа. Гьелда чӏел босарал педагогазе кьезе буго 200 азарго гъурущ премия. Къецалда гӏахьаллъула байбихьул, аслиял ва гьоркьохъел школазул учительзаби. Гьабсагӏаталда комиссиялде рачӏун руго 32 муниципалитеталъул 116 педагогасул документал. Гьезда гьоркьоса гӏемерисел руго гӏурус мацӏалъулги, байбихьул классазулги, рахьдал мацӏазулги ва историялъулгун обществознаниялъулги учительзаби.