Коронавирусалъ унтарал чагӏи гӏемерлъулел рукӏиналда бан, республикаялда киназего вакцина гьабизе ккеялъул бицана ДРялъул бетӏерав санитарияв тохтур Николай Павловас.
Ахираб заманалда цӏакъго гӏемерлъун руго унтарал. Масала, цебе моцӏида жаниб 797 чи унтулев вукӏун ватани, гьанже гьеб къадар 1380 чиясде бахун буго.
Прививка гьабизе тӏадаблъун гьабун буго сахлъи цӏуниялъул, лъай кьеялъул идарабазул хӏалтӏухъабазда, даранчагӏазда, квана-гьекъолел бакӏазда хӏалтӏулел чагӏазда, транспорт бачунел гӏадамазда, СПА-салоназда ва гьел гурелги гӏемерал гӏадамал данделъулел бакӏазда хӏалтӏулезда.
65 ва цӏикӏкӏун сонал раразда лъазабуна рокъор чӏайин.
Гьединго хӏажат гьечӏого тӏаде-гъоркье инчӏого чӏаниги лъикӏаб букӏинин абулеб буго санитарияв тохтурас.