«Гьанже заманалъул лъай кьеялда тарбия кьей: аслиял масъалабаздаса цӏиял программабаде» — гьединаб темаялда гӏуцӏараб семинар тӏобитӏана педагогиял хӏалтӏухъабазул санайил букӏунеб хӏасилияб конференциялда.
Данделъи букӏана Республикаялъулаб лъай кьеялъул централда. Гьелда гӏахьаллъана кӏинусгоялдаса цӏикӏкӏун педагогги, школазул директоразул тарбия кьеялъул рахъалъ заместителалги, классалъул нух- малъулелги.
ДРялъул лъай кьеялъул ва гӏелмуялъул министрасул тӏоцевесев заместитель Мухӏамад Гӏабидовас бицана республикаялда лъай кьей цебетӏезабиялъулги жамгӏияталда педагогасул бугеб кӏваралъулги хӏакъалъулъ. Лъай кьеялъул рахъалъ пачалихъияб политикаялда кӏудияб бакӏ ккола социалияб жавабчилъи чорхолъ бессарал гӏадамал куцаялъин абуна гьес.
ДРялъул Педагогазул ассоциациялъул председатель, РЦОялъул директор Анжела Байрамбековалъ бицана гьанже заманалъул лъай кьеялда тарбия кьеялъул бугеб кӏваралъулги гьеб рахъалъ хӏадурараб цӏияб программаялъулги хӏакъалъулъ.
Семинаралда бихьизабуна цӏалдохъабазулъ ватӏаналде рокьи куцаялъул модельги. Бицана гьениб батӏибатӏиял школазда гьеб рахъалъ бугеб хӏалбихьиялъул хӏакъалъулъги.
ДРялъул Лъай кьеялъул ва гӏелмуялъул министерствоялъул пресс-хъулухъ