Гьанжегӏагар ДРялъул хӏукуматалъул председателасул заместитель Гӏабдулмуслим Гӏабдулмуслимов щвана сугъулдерил хъутаналде.
Гьес хал гьабуна гӏиял цӏияб тайпа бижизабиялъул хӏасилал кинал ругелали. Искусственнияб къагӏидаялъ гӏияде хьон биччаялъул пункт буго гьеб хъутаналда. Гьелъие гӏоло пайда босулеб буго «российский мясной меринос» абураб тайпаялъул гӏиядаса. Дагъистаналда бугеб федералияб аграрияб гӏелмияб централъул (ФАНЦ) вакилзабазгун «Сугъралъ» агрофирмаялъ хӏалбихьулеб буго нилъер гӏиял гьанги квасги лъикӏлъизабизе.
Хадубккун гьединаб хӏалтӏи республикалъул цогидал магӏишатаздаги гьабизе буго.