ДРялъул хӏукуматалъул нухмалъулесул ишал тӏуралев Гӏабдулмуслим Гӏабдулмуслимов гӏахьаллъана Россиялъул регионазда гӏиси-бикъинаб ва гьоркьохъеб даран-базар цебетӏезабиялъул суал гьоркьоб лъураб видеоконференц-бухьеналдасан тӏобитӏулеб букӏараб данделъиялда.
Гьединаб даран-базар гьабулел чагӏазул къадар 2030 соналдехун улкаялда 25 млн чиясде бахинабиялда тӏад хӏалтӏулел ругин бицана гьениб РФялъул хӏукуматалъул нухмалъулесул тӏоцевесев заместитель Адрей Белоусовас.
Лъабго батӏияб проекталда рекъон, Дагъистаналъул даранчагӏазе кумекалъе 2021 соналда биччан букӏун буго 215 млн гъурущ.