Лъагӏалида жаниб 20 миллион хоно хӏадурулеб цех хӏалтӏизе биччазе буго Буйнакскиялда. «Батырмуразаев» абураб фермеразул магӏишат буго гьениб. Гьениб рагьизе буго гьеб цехги.
Гьабсагӏат гьениб лъагӏалие хӏадурула 10 миллионгӏанасеб гӏанкӏудал хоно. Германиялдаса бачӏараб цӏияб оборудование рекъезабулеб буго гьабсагӏат цехалда. Гьелъул кумекалдалъун жеги 10 миллион хоно тӏадеги хӏадур гьабизе кӏвезе буго гьезул фермаялда. Гьелъул хӏасилалда Батырмурзаевазул фермеразул магӏишаталъ лъагӏалие кьезе буго 20 миллион гӏанкӏудал хоно.
Гьеб цӏияб хабаралдаса разиго вуго ДРялъул росдал магӏишаталъул министр Баттал Батталовги. Гьелъул кумекалдалъун ханаздалъун халкъ хьезабизе кӏвелин лъазабуна гьес. «Гьабсагӏаталъ нилъер республикаялъ лъагӏалие хӏадурула 200 миллион хоно, амма хӏакъикъаталдайин абуни, халкъалъ квание хӏалтӏизабулеб буго 900-950 миллионгӏанасеб гӏанкӏудал хоно. Гьелдаса бичӏчӏулеб буго 700 миллион хоно нилъер гьанибе къватӏиса баччулеб букӏин.