Цо-цо бакӏал къачӏан рахъи негӏан 29 июналдаса 15 июлалде щвезегӏан Салтӏа бугеб чвахукье нух къалеб бугин лъазабуна гьал къоязда Гъуниб районалъул администрациялъ.
Кин батаниги, чвахукье нух къаялъе гӏилла гьадин баян гьа- булеб буго Салтӏа росдал бегавул Шамил Каримовас:
«Гьенире гӏемер рачӏуна гӏи синлъималги гӏунсбигун ва ко ляскабазда рекӏун сакъатал гӏадамалги. Хасго гьанже къва тӏисел пачалихъазде нухал къа ралдаса цӏикӏкӏана гьенире рачӏунел туристазул къадар. Гьединлъидал цоял къватӏире рачӏинегӏан, цогидал балагьун чӏезе кколел руго жанире ине.
Гьел цӏуна-къаялъул мурадалда (жанире-къватӏире рачӏине санагӏалъи букӏинелъун) къачӏазе кколел бакӏал руго гьенир. Жибго чвахукь бакӏалда жанирги (тӏаде-гъоркье лъугьунел бакӏазда) лъезе ккола квералъ кквезе къваригӏунел гӏурдул, мокъал. Цо талихӏалъ, чиясе къварилъи ккарал хӏужаби рукӏинчӏо гьанжелъизегӏан. Амма республикаялъул Туризмалъул министерствоялъ гӏарац биччазегӏан чӏечӏого, районалъул нухмалъиялъ, жидецаго сурсатги балагьун, байбихьана гьеб къачӏазе. 10-15 къоялда жаниб рагӏалде бахъинабизе ракӏалдаги буго».