Шамил районалъул лъай кьеялъул управлениялъул нухмалъулесул заместитель Иляс Хӏусеновас кьурал баяназда рекъон, районалда буго 43 школа: 22 – гьоркьохъеб, анкьго – аслияб ва 14 – байбихьул. Гьенив цӏалулев вуго 2653 цӏалдохъан. Исана тӏоцебесеб сентябралда школалде вачӏине вуго 290 цӏалдохъан. Кӏиго сменаялда хӏалтӏула микьго школа.
Районалда буго 20 лъималазул ах, лъабго спортивияб школа ва лъималазул искусствоялъул цо школа.
Исана капиталияб ремонт гьабуна анкьго школалда: Мачӏада, Хӏотода ва Гьоор росабазул гьоркьохъел школаздаги, Лъезда, Геницӏороб, Хьонохъ ва Хӏокода росабазул байбихьул школаздаги.
Капиталияб ремонталъул программаялда гьоркьобе ана «Мугӏрузул лъар» абураб Къахӏиб росдал лъималазул ахги.
Нури Нуриев