Гумбет районалъул Аргъвани росдал гьоркьохъеб школалда къваригӏун руго учительзаби
Аргъвани росдал школалда хутӏун вуго 3-5 цӏалдохъан. Хӏинкъи буго школа къазе ккеялъул. Школа къараб мехалда хутӏуларо росулъ гӏолилал ва рес буго гӏасрабазул тарихалъулгун маданияталъул рахъалъ бечедаб росу тӏубанго биххизе. Гьединлъидал, Махӏачхъалаялда гӏумру гьабулел Аргъвани росдал гӏадамаз хӏукму гьабуна жидерго лъимал магӏарухъе ритӏизе. Росулъ гӏуцӏулеб буго интернат. Гьабсагӏаталда гьечӏо росдал школалда хӏалтӏизе учительзаби. Школалъул дирекциялъ меценаталгун къотӏи гьабун буго республикаялдаса бищун лъикӏал учительзаби ахӏизе гӏагараб росдал школалда хӏалтӏизе.
Жакъа къоялда Аргъвани росдал школалъе хӏажат руго гьадинал учительзаби:
— ингилис мацӏалъул
— физикаялъул
— информатикаялъул
— историялъул ва обществознаниялъул
— химиялъул
— биологиялъул
— гӏурус мацӏалъул ва адабияталъул
— математикаялъул.
Аргъваниве хӏалтӏизе вачӏарав учителасе (ахӏулел руго бищунго лъикӏал махщелчагӏи) чӏобого чӏезабизе буго къойида жаниб лъабцӏул тӏагӏамаб квенги, жанир рукӏине рукъзалги, 35 азарго гъурщил моцӏрол харжги.
Лъикӏал шартӏалги ругеб цӏалдохъабиги дагьаб школалда хӏалтӏизе гъира бугев чи кӏалъай гьаб телефоналде: 8-928-556-18-06 (Хӏамзат Жамалудинов).