Добаса-гьаниса
Гӏалимзабаз абулеб буго инсанасе бищун пайдаяб квен чамасдакӏ бугилан. Гьелда гъорлъ буго 23 аминокислотаги ва 15 минералги. Гӏалимзабаз чӏезабун буго анцӏго чамасдакӏ квани, къойида жаниб чиясе хӏажалъулеб кванил роцен гьелъ роцӏинабулин абун. Гьединго чамасдакӏалъулъ батун буго триптофан абулеб, ай гӏадалнах хӏалтӏизабулеб «нигӏматги». Гьеб хӏажалъула бетӏер хӏалтӏизабун хӏалтӏи гьабулезе. Чамасдакӏалъулъ бугеб селеналъ цӏунула инсанасул черх рак унти ккеялдаса ва щула гьабула иммунияб система.
Лъимаде йигей гӏаданалъ, ахираб ункъо анкьалъ чамасдакӏ кваналеб бугони, гьелда гъорлъ бугеб окситоциналъ квербакъулеб буго лъимер гьаби бигьалъизабизе ва чӏужугӏадан хехго рукӏалиде ячӏинайизе.