Дагьал гьечӏо «Хӏакъикъат» газета цӏалулел, жидецаго хъван гуребги нижехъеги хъвадарулел, цогидазда гьоркьобги гьеб тӏибитӏизабиялъе жигараб гӏахьаллъи гьабулел чагӏи.
Исанасеб подпискаялъеги гьез кӏудияб хӏалтӏи гьабуна. Редакциялъул рахъалдасан ракӏ-ракӏалъго баркала кьезе бокьун буго магӏаруллъиги хириял, магӏарул адабиятги, маданиятги, тарихги бокьулел газеталъул гьудулзабазе. Масала, Цӏунтӏа районалдаса Гӏиса Гӏабдулаевасе, Бежтӏа участокалдаса Шугӏайп Ражабовасе, Шамил районалдаса Гӏалилай Хӏажиевалъе, Гӏабдулвахӏид Хӏажиевасе, Сайпула Гьитӏинамухӏамадовасе, Зайирбег Мухӏамаднабиевасе, Мухӏамаднаби Мухӏамад-набиевасе, Гӏахьвахъ районалдаса Деньга Махиевасе, Мусабег Мухӏамадрасуловасе Хӏажимухӏамад Кучуевасе, Бадрудин Султӏановасе, Каримат Гъалбацӏовалъе, Мусабег, Гумбет районалдаса Камил Хӏадисовасе, Магьди Гӏабдурахӏмановасе, Хасавюрт районалдаса ва шагьаралдаса Гирай Хӏайдаровасе, Нажмудин Залимхановасе, Гӏалиасхӏаб Хӏамзатовасе, Мухӏамадрасул Шайихмухӏамадовасе, Мухӏамад-расул Расуловасе, Гӏалибег Салаватовасе, Казбек районалдаса Хӏусен Тупаевасе, Гӏалиасхӏаб Гӏумарасхӏабовасе, Избодин Мухӏамадовасе, Гъуниб районалдаса Зайнудин Зайналовасе, Каримула Мухӏамадовасе, Мухӏамад Къебедовасе, Хунзахъ районалдаса Фатима Мухӏамадовалъе, Гӏабидат Нурмухӏамадовалъе, Цӏумада районалдаса Мухӏамад Залимхановасе, Хӏабиб Давудовасе, Хадижат Залимхановалъе, Чӏарада районалдаса Гӏалиасхӏаб Давудмирзаевасе, Болъихъ районалдаса Халид Сагӏидовасе, Салман Хӏасбулаевасе, Шамсудин Сиражудиновасе, Гъизилюрталдаса Тӏалхӏат Ахъбердиевасе, Гӏабдулвахӏид Лабазановасе, Гъизляр шагьаралдаса Ахӏмад Хӏасановасе, Буйнакск шагьаралдаса Наби Гӏисаевасе, Махӏачхъалаялдаса Шамил Мухӏидиновасе, Мухӏамад Гӏалиевасе ва гӏемерал цогидазеги.
Гьединго нижеца баркала кьола тӏадаб иш ракӏбацӏцӏадго тӏубалел почалъул киналго хӏалтӏухъабазе.
Тӏаде щвараб цӏияб сонги баркун, гьарула киназего сахлъи, рохел, рокъоб парахалъи ва баракат.
Хьул буго «Хӏакъикъаталъулгун» хадубккунги нужеца гьудуллъигун хурхен цӏунилилан ва щула гьабилилан.