Дунялалда буго гӏага-шагарго кӏиазаралда щунусго батӏияб тайпаялъул къверкъ.
Гьез гӏумру гьабула киса-кибего: хӏоразда, лъаразда, хьуцӏазда, рохьазда, хӏатта чӏобогояб авалахъалдацин. Къоркъоца лъабго батӏияб къагӏидаялъ хӏухьел цӏала – тӏомолъанги, гьуърулъанги, кӏалдисанги. Къоркъол щибаб тайпаялъул рукӏуна жидерго хаслъаби.
Бищунго кӏудияб къверкъ дандчӏвала Африкаялда. Гьелъул цӏайи лъабго килограммалде, халалъи кӏикъого сантиметралде бахуна. Бищунго гьитӏинаб къоркъоца гӏумру гьабула Америкаялъул Цолъарал Штатазда, гьелъул халалъи кӏиго сантиметрцин букӏунаро.
Югалъул Америкаялда дандчӏвала загьруял къуркъбиги. Индейцаз гьезул загьру, чан гьабизе унелъул, чӏоразул тӏогьазда бахуна.