Пьесаялда релълъараб жо
Кӏиабилевб пардав
Къалъул гӏуж. Цо берцинаб къайи-свери.
Динияб къагӏидаялъ ретӏа-къарал мусудуз сверун ккун вуго гӏезегӏан куц-мухъ бугев, хъахӏаб расалъ цебего расен лъуниги, гӏолохъанлъиялъул жан жеги чорхолъа инчӏев Дон-Жуан, Дагъистаналъулги Чачаназулги къоролруччабазул гӏащикъ, Нагорный Дагъистаналда цохӏого цо бугеб Гаремалъул хважаин Сасикьа шагӏир Сайгидахӏмад Ахӏмаднабиев.
Тӏалхӏатовасул къокъаялъ ахир заманалъул Камалил Баширинги абула гьесда.
…Дагьа-макъавго гӏинкъав вукӏин гуреб, батӏияб мунагь гьечӏев рокьул къайисасда рикӏкӏадасанго бихьана боржун бачӏунеб хъахӏаб чуги чол рекӏаравги.
Аскӏове щолелъул, чодасаги рещтӏун,
Сасикьа Башириде аскӏове вачӏуна чапар.
Чапар. Ассаламу гӏалайкум! Мун гуревищ Гаремалъул кӏудияв?
Сасикьа Башир. Ва гӏалайкум салам! Гудраца габур кквегийин дур, бице мурад.
Чапар. Авар миллаталъул Автономиялъ, жакъа букӏараб мажлисалъул хӏукмуги босун, духъе витӏарав чи вуго дун, Бисавгӏалиев Мухӏамадица гьаб лично кодобе кьейилан гьарана. Руччаби гӏемераб бакӏги бугила, лъаб-лъаб, ункъ-ункъ чӏужу гьечӏев чиги гьечӏила дур къавулъ, вореха-йила руччабазухъе кьезе гурилан кьварун лъазеги гьабуна.
Сасикьа Башир. Бода сурагийин дур гьев Бисав, бегье дихъе мажлисалда бахъараб хӏукму.
(Чапарас цо жо бегьула Гӏинкъасухъе).
Сасикьа Башир. (Кӏвар кьун Бисасул рисалатги цӏалун, гъулгъудизе жувала).
Цо ургъел гьабизе батун бугеб жо бихьуларищ бездельниказда. Магӏарул мацӏ цӏунизе ккун бугила магӏарулаздаса. Регӏун руго лъебелавги Баху-
Бикаги.
Гаремалда ругелщинал руччабазда, хӏатта чеченкабаздацин, рухӏалдаса квер бахъун авар мацӏ малъулев дун, дие нотациял цӏалулел гьал деятелал.
Баху-Бикал рагъари бихьуларищ цо. Жиндирго Тӏалхӏатовасдасан байбихьеян абе лугъат малъи-зе, кӏудияй лингвист. (Чапарасдехун вуссун). Дир Гаремалда кинабго роцӏцӏун буго: бацӏцӏадаб магӏарул мацӏги буго, моцӏ гӏадинал мусудулги руго, эркенал руччабазул сияхӏги буго, рос-рукъалде лъугьунезе магьари лъезе полставкаялда хъулухъалде тӏамун Тӏалхӏатовги вуго.
Чапар. Дида Бисас лъазабун букӏана дур Гаремалда данделъи тӏобитӏичӏого тӏадвуссунгейилан.
Сасикьа Башир. Батани, гьанивго вукӏаха, гьудулав чи. Цо саламатай къоролалъулгун лъай-хъвайги гьабила, нагагь нужер макъан рекъон ккани, ахӏун Тӏалхӏатовгун, оперативно магьариги лъела.
Гьезул авар мацӏалдаса моцӏ гӏадинай гӏаданго лъикӏ гьечӏищ дуе?!
Чапар (лъаледухъ воха-хинлъун, лъикӏлъун, тамахлъун).
Ду — дун батӏаго кӏудияв любительги гуревха гьел мацӏазул. Просто дозул тӏадкъай тӏубалев чи вуго… Тӏалхӏатов вачӏинегӏанго чӏела дун, дагьав сваканги вуго. Гьабго ругьелгун Тарумовкаялдеги ине ккола гьанисанго…
Сасикьа Башир. Дур семейни палажени щиб бугеб?
Чапар. (Вукӏкӏ-вукӏкӏун лъугьун).
Семейни вуго.
Сасикьа Башир. Цо чӏужуйищ? Это ерунда
Чапар. Гӏолохъанаб мехалъ зулму-хӏалалъ эбел-инсуца ячинаюрай росулъги йиго… Цо Анжиялдаги йигоха, балъго ячарай.
Сасикьа Башир. Саназул гьоко кибе щун бугеб?
Чапар. Гургинаб лъабкъогоги, тӏаде лъабго лъагӏелгиха.
Сасикьа Башир. Лъабкъоялдаса тӏаде саналги ругони, саламатай кӏиго супругаги йигони, тӏокӏабги гьобо базе участокищха дуе бокьун букӏараб?! Бухъизабе дурго Тарумовкаялде, керентурад! Таманал игитал ругин нижергоги цо чӏужуцин гьечӏел.
Бисасул къокъаялда урхъараб саламги бице, багу-чӏамалазул мухъалда мацӏалъул ишги ми-хъилъа букӏине бугин абе.
Чапар (бабадилаго). А ригьин? Ту, черт… данделъи гьабизе гьечӏищ?
Сасикьа Башир. Ай момент… Соня, Салихӏат! Атбой. Совещания не будет, передай всем.
Чапар. Гьеб щай?
Соня. Почему Хозяин?
Сасикьа Башир. Нет у нас заман заниматься мелкими вопросами. Я не доктор филологических наук, я Хозяин единственного Гарема Нагорного Дагестана. Язык никуда не денется, а вот Женщины-это тонкий вопрос. Жизненно важный.
Мне чай с малиновым вареньем принеси. Нет, лучше из розовых лепестков.
(Чапар нахъе уна).
Сасикьа Башир (ццим бахъун, живго жиндаго гаргадизе лъугьуна).
Гьал киналго — мацӏалъул ургъалида. Дир ракӏ абуни лъукъун буго миллионгӏанасеб миллаталда цо гурони Гарем гьечӏолъиялъ, аза-азар къоролруччаби ялгъузго хутӏиялъ.
Дун, лъудбукьаги хӏинкъун, цохӏо чӏужугун чӏарал бихьиназдаги, сверухъ ругел диналъул яцазул ургъел-агъазги гьечӏого, рахӏаталда россазул къвалакь хухал гӏадин ругел лъудбуздаги ццим бахъун вихъулев вуго.
Мацӏ жугьутӏазул бицаниги бегьула, мацӏ бицине жидеда хьолбохъ цониги бихьинчиго гьечӏез щиб гьабилеб?
Дица ракьандаса рачӏ ккун букӏана мацӏазулги, цӏаразулги, ассоциациязулги.
Ат души къвал базе чӏужугӏаданалъе бихьинчиги бихьинчиясе чӏужугӏаданги ругони, мацӏ тӏубанго кӏочаниги ричӏчӏула гьел цоцада ва щибниги лъицаниги цӏунизеги кколаро… (Гаремалъул руччабаздехун).
Сацета, еще чай мне с вареньем. Хӏалимат, Гӏайшат, гӏедегӏил гьабе…И не забудьте, мои дорогие, къаси цӏияб наплыв букӏине буго нилъер заведениялда.
Гьечӏо магӏарул чиясе Гарем гӏадаб жо!
Пардав къала.