Гьечӏо магӏарул чиясе хӏама гӏадаб жо
«Бухӏараб бакъул къоялъ, хӏеренго балеб цӏадакь»,
Хӏажи вачӏинин абун, данде руссун рукӏана.
Кьер-кьераб нигӏмат бугеб, «Вдали от жён» кафеги,
Кидадай рещтӏинаян, балагьун чӏун нижгоги.
Права хисизе индал, гӏамалгийищ хисараб?
Хехаб тел кьабуниги, тӏаде ахӏизе кӏвечӏо.
Россиялде гочиндал, рокьул гучищ цӏикӏкӏараб,
Цӏвакарал ясазулги агъазцини гьабичӏо.
Адабияталъул дарс, нагагь цӏализе ккани,
Ургьибе нух къосараб, къавм бугиланищ тараб?
Маданият лъаларел, лъавукъал чагӏазда гъорлъ,
Чохьол хӏуби битӏизе, хӏал кӏоларинищ ккараб.
Вачӏун гьевги щвечӏого, щарил нахги тӏад бахун,
Тӏубараб хӏечч панкъазул нижецаго кванана.
Бицухъ рагӏи батичӏев Билаловги живго тун,
Балагьун рукӏараца шашлыкӏазда кӏутӏана.
Гьаб хӏамида рекӏараб, сурат бачӏун букӏиндал,
Хӏинцаб ккун батилилан, Хӏажи цояз вацӏцӏана.
Цӏуябги батанани, задный мост хӏалтӏуларин,
Мухӏамадхӏажиясги хӏукму гьедин къотӏана.
Адухӏилав рагӏана Бахудехун шурулев,
Шашликӏал рихарав чи Билалов ватиларин.
Фатимаги йикӏана, Дидояв гъорлъ ватани,
Дуе щолел шашликӏал, жинцаго чӏамулила.
Курскиялда чӏунилан, эмехвад вихьуларищ,
Эркенлъиялда йигей Амаева хӏаларев.
Чӏегӏеракьалде щунин, гьакъосев чӏинкьа-кӏутӏун,
Рукъишкал хӏукмуялде,
хӏучч цӏазе къачӏа-кӏатӏан.
Панкъал, шашликӏал кӏутӏун,
кӏутӏбузда гьоцӏоги хъван,
Тӏаде чай-сокги гьекъон, къватӏир нижги рахъана.