Тӏадбан гьекъезе байбихьаралдаса гургинаб кӏикъого сон тӏубаялда бан, араб шамат къоялъ, юбилей букӏана магӏарулазул цо машгьурав шагӏирасул.
Гьеб къоялъ берзукьа тӏагӏарав поэт битӏун анкьидаса вуссана инсул сверуде. Точнее, вачӏана лъавуде.
Кив вукӏарав, щиб «бекьулев» вукӏарав, цадахъ «рекьарилел» щал рукӏаралали лъалев чи я Союз Писателеялда, я магӏарул казияталда гьечӏоан.
Гьорон куцги бугоан юбилярасул, ссун бералги ругоан, даим кенчӏолел рукӏунел, сородулел квералги ругоан. Хӏатта пинкьалцин рахъун ругоан, пероги бокалги гурони кодоб кквечӏел поэтасул хӏеренал кверазда.
Гӏумруялъ хъвадарулевги вукӏун, неожиданно пуруц кквей бигьаяб пиша гурелъулха, гьалмагъзаби.
Гьединал ишазул устар, тӏадегӏа-наб категориялъул специалист — эксперт Гӏалигъалбацӏовасдацин кӏве-чӏо поэт-пахарасе чӏванкъотӏараб диагноз лъезе. Яги недобор батизе бугила (шагьи-пара кодоса лъугӏиялда бан) яги перебор букӏине бегьулила (после длительного запоя).
Нилъерго мацӏалде буссинабуни, сваказавун вуго халкъияв поэт «ихдалил рекьуца».
Палхӏасил, поэт-труженик заслуживает «Захӏматалъул ударник» абураб эбелаб орден каранда базе.
Жеги лъикӏ букӏина, киналгӏаги наградабиги кьечӏого, къвакӏараб жадул цо бокалги тӏун, живго жиндаго тани.