Д. Пахрудиновалъе
Лъикӏ щварай, Джамиля, Бахьикъосалде,
Махсара — хочӏалъул хулжалги раччун.
Сатира бокьулел, кучӏдул хириял,
Хабарги гьуинал гьудулзабахъе.
Анищал херлъарав, хиял хӏорлъарав,
«Херав» удаманас гьаюнищ къабул?
Ваккун-тӏерхьун кивго гӏодов чӏоларев,
Гӏандисев ватанищ байтал сокӏкӏулев?
Дир лъудби рикӏкӏунев рикӏкӏванисесда,
Рикӏкӏун къого гамачӏ къалалъ щвезабе.
Къойил «гаремилан» гаргадулесда,
Горбоде герело гаргадизабе!
Гьунар гьечӏониги, цо-цо мухъал хъван,
Дицаги хъалалъан хъарсила гьесда.
Хъабиниб тӏутӏ гӏадин гьев зузудани,
Зар бихьизабила, гӏорхъода чӏаян.