Эбелав авторлъиялде кандидат
Нарзан ваннаби гьарун,
Нарзанияб лъим гьекъон,
Къаркъаладуй кеп ккана
Кутакалда рекъолеб.
Рада-радал, мачӏикьго
«Кьили» магӏарде рахун,
Хехаб рилълъин гьабидал,
Мащаби щулалъана.
Шахил кверазул махщел,
Массажалъул рекъонккей –
Къоялъ векераниги,
Куй биххуларо чорхол.
Чи вихьани, вохула,
Хинаб гьоркьоблъи ккола,
Гьава-бакъалъул бицун,
Къоял нухда тӏамула.
Тӏубан рахӏаталъул кеп –
Кисловодскалъул тӏалъи,
Тӏаде нухалъ рачӏине
Чӏванкъотӏун хӏукму ккана.