Миллион хъамурал хъурумсахъазда
Хъапас балареб кин, кодор щваниги?
Кварил кӏичӏ рекъараб мукъулукъалда,
Нах бахунеб кинаб квеш хьваданиги?
Бюджет бикьулелги гьеб бикъулелги,
Кьурса рехулареб хабар-гӏадлуйищ?
Къануназда тӏадги жал релъанхъулел
Милицаби толеб туснахъ гьечӏебищ?
Чвантихъги балагьун хӏукму къотӏулеб
Цӏогьабазул диван – Дагъистаналда.
Цӏикӏкӏун бикъарасул гӏакъил гьавулеб,
Гӏажаибаб хӏукму – хӏукуматалда.
Огь, дир кереналъе квеш букӏунеб куц,
Ишалда рекъечӏеб къотӏи рагӏидал.
Къваригӏун вугоан дида вихьизе,
Жинца кьураб рагӏул гӏоркь кколев хӏаким.