Тӏадегӏанав Аллагьасул цӏар — улкаялъул документалда.
Нилъер республикаялъул муфтияталъ рахъккуна РФялъул Конституциялда хиса-басиял гьарулаго гьенибе Аллагьасул цӏарги босизе ккелилан цебеккунго патриарх Кириллица загьир гьабураб пикруялъул.
Киналго халкъал гӏагар гьариялъе сабаблъун ккелин гьебилан абуна муфти Ахӏмадхӏажи-афандияс.
«Улкаялъул бищун аслияб закон хӏисабалда, Конституциялъ жанире рачине ккола гӏадамазул рухӏияб напсалъул хаслъабиги. Щивав чиясул дин батӏияб букӏаниги, Бетӏергьан нилъер цохӏо вуго. Биччанте Гьесул цӏарги букӏине киназего гӏаммаб пачалихъалъул законалда. Цоцазда гьоркьоб гьуинлъиги цӏикӏкӏине, халкъалги гӏагар гьаризе, баракат букӏиналъе батаги нилъ рижарав Халикъасул цӏар Конституциялда», — ян абулеб буго республикаялъул муфтияс.
Амма жибго Конституциялда хиса-басиял гьариялда тӏасан гӏадамазул батӏи-батӏиял пикраби руго.