Балагьал нахъчӏваялъе ва

хӏажатал тӏураялъе дугӏаялъул

кӏудияб пайда букӏуна. Гьелъул

хӏакъалъулъ руго аварагасул

(с.т.гӏ.в.) хӏадисалги.

Аварагас абун буго: «Тӏадегӏанав

Аллагьасул хӏукму-къадар

нахъчӏваларо дугӏаялъ гурони,

гӏумруги халалъуларо, лъикӏлъи,

ай садакъа-хайрат гьабиялъ гуро- ни», — ян.

Тӏадегӏанав Аллагьасда гьару- лелъул, дугӏа гьабулелъул, ният

бацӏцӏадав инсанасе Аллагьас

кьола нигӏмат, жаваб гьабиял- далъун. Жинда Аллагь разилъаяв

Гӏали асхӏабас абулеб буго: «Ну- жеца балагьал тӏаса рорхизе гьаре

дугӏаялдалъун», — илан.

Аллагь разилъаяв Анасидасан

бицана: «Нуж дугӏа гьабиялдаса

гӏажизлъуге, дугӏагун вугев чи ки-

даниги гьалаглъиларо», — ян.

Свалат-салам лъеяв аварагас абу-

на: «Тӏадегӏанав Аллагьасе бокьула

сахлъи ва балагьаздаса цӏуни гьа-

ризе. Дугӏаялъ мунпагӏат гьабула

балагь рещтӏиндал тӏаса босизеги

рещтӏунеб нахъчӏвазеги», — ян.

«Нужеца гьаре, Дица жаваб гьа-

била», — ян Тӏадегӏанав Аллагьас

абун бугелъул, нилъее дугӏаялъе

жаваб гьабичӏого толеб гьечӏо.

Амма цо чияс жиндирго мурадлъун

бугеб, балагь тӏаса боси букӏаниги

ялъуни цо кинаб бугониги жиндие

хӏажатаб жо тӏалаб гьабун бугони-

ги, гьарараб мехалда, гьебсагӏатго

жаваб гьабичӏони, гьелъие рукӏуна

батӏи-батӏиял гӏиллаби.

Басра шагьаралда базаркъотӏ-

носан унаго, Адгьамил Ибрагьи-

мида жамагӏаталъул цо къокъаялъ

абун буго: «Я, Аба-Исхӏакъ! Ни-

жеца Тӏадегӏанав Аллагьасда гьа-

рула, жаваб гьабуларо», — ян. Гьес

жаваб гьабун буго гьадин: «Нужер

ракӏал хун руго анцӏго жоялдалъун:

тӏоцебесеб – нужеда Аллагь лъа-

ла, амма Досул амру тӏубазабулеб

гьечӏо; кӏиабилеб – нужеца абула

нижее Авараг вокьулилан, амма гье-

сул суннат нужеца тун буго; лъаба-

билеб – нужеца Къуръан цӏалула,

амма гьелда гӏамал гьабуларо; ун-

къабилеб – нужеца Тӏадегӏанав

Аллагьасул нигӏматал кванала, щу-

кру гьабуларо; щуабилеб – нужеца

абула щайтӏан нижер тушман бу-

гин, гьелъие бокьухъеги хьвадула;

анлъабилеб – нужеца абула алжан

хӏакъаб бугин, ай букӏиналда бо-

жула, амма гьелъие мустахӏикъаб

гӏамал гьабуларо; анкьабилеб

– нужеца абула жужахӏ букӏин

хӏакъаб бугин, амма гьенире кке-

ялдаса цӏунулеб гӏамал гьабула-

ро; микьабилеб – нужеца абула

хвел хӏакъаб бугин, амма гьелъие

нуж хӏадурлъуларо; ичӏабилеб –

нуж макьидаса рорчӏула, ай радал

тӏаде рахъуна ва нуж машгъуллъу-

ла гӏадамазул гӏайибал цӏехеялде,

ай гьелда хадур лъугьуна, нужерго

гӏайибалин абуни жахӏалго тола, ай

гьел рихьуларо, гьезул кӏварги гьа-

буларо; анцӏабилеб – нужеца ну-

жерго хварал чагӏи рукъула, амма

гьезул пикру гьабуларо».