Болъихъ районалъул Кьохъ росулъ хутӏун вуго кӏиго рагъул гӏахьалчи – Жамалудинов Гьитӏинамухӏамад ва Нурмухӏамадов Патахӏ.
Патахӏ захӏматго унтун вуго, Гьитӏинамухӏамад хьихьун вуго васасги нусалъги. Гьевги гӏинкълъун вуго. Гьесул васас ва нусалъ бицана хӏукуматалъ жидее букӏине кколеб кумек гьабулеб гьечӏин. — Вегизе ортопедиялъулаб кроватьги, коляскаги, памперсалги хӏажат ругин абун чанго нухалда лъазабидал, бадирецин ралагьулел гьечӏо.
Махӏачхъалаялде айин абулеб буго памперсал росизеги.
Болъихъ районалъул прокурорасул заместитель вачӏун вукӏана ва гьесдаги бицана инсуе хӏажаталъул. Букӏинабилинги абун, гьевги ана.
Амма жеги бихьулеб жо гьечӏо. Бокьилаан чӏаго хутӏарал дагьалго ветераназе кумек гьабуни, къваригӏараб гьезие щвезабулебани