ДРялъул бетӏер Сергей Меликов гьал къоязда дандчӏвана Россиялъул росдал магӏишаталъул министр Дмитрий Патрушевгун.
Гьез бицана регионалда агро- промышленнияб комплекс цебетӏезабиялъулги, хурухъабазул хӏалтӏулги, росдал магӏишаталъул
нигӏматал хӏадурулел предприятиязе пачалихъияб кумек гьабиялъулги, лъалъадулеб хурухъанлъи цебетӏезабиялъулги ва цогидалги масъалабазул хӏакъалъулъ. Гьабсагӏаталда рагӏалде бахъунеб
буго хуриса тӏорщел бакӏариялъул хӏалтӏи. Пиринчӏ гӏезабиялъул рахъ- алъ Дагъистан кӏиабилеб бакӏалда
бугин абуна федералияв министрас.
«Ракь» абураб пачалихъияб программа гӏумруялде бахъинабулаго, республикаялда хӏадурун буго
лъалъадулеб хурухъанлъиялъул 66 проект. Гьелъие федералияб министерствоялъ биччазе ккола 360 миллион гъурущ. Субсидиял кьезе руго жеги лъабго проекталъе. Гӏаммаб къадаралда Дагъистаналъул хурухъ- абазе щвезе ккола 373 миллион гъурущ. Гӏи-боцӏухъанлъиялъул хӏалгичӏара-хьараб буго. Хӏажат буго ре- гионалъул ветеринарияб хъулухъалъ боцӏул унтабазда хадуб халкквеялъ- ул иш тартибалда бачине.
Дандчӏваялда бицана росабалъ ругел гӏадамазул гӏумруялъе шартӏал гӏуцӏизе ккеялъул хӏакъалъулъги.
Гьаб соналда республикаялда гӏумруялде бахъинабулеб буго росдал ракьал церетӏезариялъул рахъалъ хӏадурараб 35 миллион гъурщил кӏиго проект.
Кавсарат СУЛЕЙМАНОВА