ГӀонкӏкӏода хадуб лъугьун букӏанила кету. Свакараб катида кквезе кӏвечӏила гӏункӏкӏ. Гьелъ хӏукму гьабунила гӏункӏкӏ гуккизе.
- Мивур-мавур, гӏункӏкӏ ва гӏункӏкӏ, унго, дур хехлъи, тирилъи! Картӏиниса къватӏибеги бачӏун, гьаб бокӏоналдаса доб цояб бокӏоналде щвезегӏан бекерани, дица дуе ролъул могьол цо къали кьезе буго. Мур-р-р! Рази бугищ?
- Рази гьечӏо дун! - илан абунила гӏонкӏкӏоца. Дуца дида малъулеб бугеб хӏалтӏи цӏакъго дагьаб буго, гьелъухъ мухьин абуни цӏакъго гӏемераб кьелилан буго мун. Гьелъухъ цо хӏилла букӏине ккола… . Гьединлъидал дун, дирго картӏинибги бахчун, хӏинкъи тӏагӏинегӏан гӏенеккун чӏела! - ян ахӏанила гӏонкӏкӏоца.